நீங்கள் தேடியது "ஜெர்மனி ராஸ்மஸ் கெம்கி"

சீனா ஓபன் பேட்மிண்டன் தொடர் சீனாவில் நடைபெற்று வருகிறது. இதில் ஆண்களுக்கான ஒற்றையர் பிரிவில் இந்தியாவின் கிடாம்பி ஸ்ரீகாந்தும், டென்மார்க் நாட்டை சேர்ந்த ராஸ்மஸ் கெம்கியும் இன்று மோதினர்.

ஆட்டத்தின் தொடக்கம் முதலே ஸ்ரீகாந்த் சிறப்பாக விளையாடினார். இதையடுத்து, 21-9 என்ற கணக்கில் முதல் சுற்றை கைப்பற்றினார்.

இதையடுத்து இரண்டாவது சுற்றில் டென்மார்க் வீரர் கெம்கி கடும் நெருக்கடி கொடுத்தார். ஆனால் கிடாம்பி ஸ்ரீகாந்த் பொறுப்புடன் விளையாடி 21-19 என்ற கணக்கில் இரண்டாவது சுற்றையும் கைப்பற்றி அசத்தினார்.

இறுதியில், 21-9, 21-19 என்ற நேர் செட்களில் வென்ற கிடாம்பி ஸ்ரீகாந்த், காலிறுதிக்கு முந்தைய சுற்றுக்குள் நுழைந்தார்.  

மற்றொரு போட்டியில், இந்திய வீரர் எச்.எஸ்.பிரனாய் ஹாங் காங் வீரர் லாங் அங்கசிடம் 21-16, 21-12 என்ற நேர் செட்களில் தோல்வியடைந்தார். #ChinaOpen2018 #KidambiSrikanth